[تنبيه] رادرات الدايري شغالة وزميلي جاله 6000 جنيه مخالفات رادار !

السلام عليكم ورحمة الله وبركاته

زميلي معاه فيات برافو وماشاء الله عليه اقل سرعة بيمشي عليها 160

كان في المرور من فترة عشان بيجدد رخصة العربية "هو بيجدد سنة بسنة"

قابلته بعدها بمدة لقيته بيقولي ماشفتش اللى حصل جالي 6000 جنيه مخالفات ! قلتله معقول ليه ؟

قالي مخالفة عكس اتجاه والباقي رادارات على الدايري !

وبمى انه بيجدد سنة بسنة يعني السنة دي كانت كلها بعد الثورة ومع ذلك جاله 6000 جنيه مخالفات يعني الرادرات شغالة

هو عموما ساكن في المعادي وبيمشي من دايري المعادي كل يوم في اتجاه الوصلة الجديدة بتاعة المريوطية ثم دايري اكتوبر

فغالبا المنطقة دي فيها رادرات وشغالة

انا قلت انبهكم عشان الكل ياخد باله لان فيه ناس مفكرة ان من بعد الثورة مافيش رادارات

وبرضوا انا لسه كنت من حوالي اسبوع على المحور وشفت رادار مش عارف بقى شغال وبيصور ولا لاء لان كنت في النهار فالفلاش مش باين

خدو بالكو يا جماعة الواحد بيغطي مصاريف العربية بالعافية تقوم تيجي مخالفات رادار ! مش ناقصة خالص !

ربنا يسترها علينا

يا نهار اسود !!!!!!!!! ردارات الدايرى شغاله
ده انا كل يوم عليه من المعادى لطريق مصر السويس و مش بمشى اقل من 120
تصدق الموضوع بتاعك ده وجعلى قلبى اول ما شوفتوا
بس شكرا قوى على المعلومة بس هلى الموضوع ده اكيد ؟؟؟؟

شكرا على الأهتمام
والتنبيه

مبروك علينا الاعدام يا رجالة

طبعا انا معاك اننا نخفف السرعة
بس في حاجة غلط
6000 ازاي !
وش في حاجة غلط
الرادارات متكسرة من أيام الثورة ولو أتصلحت كلها هيبقي قريب
وعشان يعمل 6000 يبقي شغال عالخط !
في غلطة في الكمبيوتر أو في أي حاجة تانية غير انه أتلقط رادارات
انا لسة مجدد وجايب مخالفات وبمشي في الغالب 160 وصحراوي 200
المخالفت صفر !

اقتباس:

---

المشاركة الأصلية كتبت بواسطة eng.geo

طبعا انا معاك اننا نخفف السرعة
بس في حاجة غلط
6000 ازاي !
وش في حاجة غلط
الرادارات متكسرة من أيام الثورة ولو أتصلحت كلها هيبقي قريب
وعشان يعمل 6000 يبقي شغال عالخط !
في غلطة في الكمبيوتر أو في أي حاجة تانية غير انه أتلقط رادارات
انا لسة مجدد وجايب مخالفات وبمشي في الغالب 160 وصحراوي 200
المخالفت صفر !

---

+11111111111111111
اااااااكيد مش لاقيييين طريقة يقلبوووووووا بيها زباين !!!

وشكرا لصااااااحب موضوع ومش لازم تجرواااااااا ياشباب وربنا يستر طريقنا .

مش شغاله انا جددت مرتين والعادى بتاعى 160 وحتى لما الفلاش ضرب فى وشى مرتين مجتش مخالفه اصلا وكنت 180 ومرة 140

هااااااار اسود:((

دى لو شغاله كان زمانى اتحبست اصلا يا ابو حميد مش مجرد مخالفات ولعلمك عمر ما جالى مخالفه تصوير رادار ثابت مع انى غاوى تصوير

يا نهار اسوس
انا بمشي نفس المشوار ده و عمري مكنت بمشي اقل من 180 - 190
يا حلاوة الحلاوة انا هتزبط
ربنا يستر

مش شغاله يا رجاله

وما حدش يقولي عرفت منين عشان ما اتمسكش :))))))

الوحيد اللي ممكن يكون شغال بس على الدائري عند كليه الشرطه

على المحور واحد بس في اتجاه الرجوع من اكتوبر

احمد انته عملت رعب فى المنتدى هههههههههههه
بوابة الحكومة المصرية - أشخاص

سترك يا رب ده اول تجديد ليا (كنت شارى العربيه زيرو ورخصتها 3 سنوات)

حيدفعونى كااااااااااااام ؟؟؟!!! :stink[1]:

السلام عليكم و رحمة الله و بركاته

أنا دايما بمشى على 90كم/س وأحط صابعى فى عين التخين, ان شالله يركبوا لى كل عمود نور رادار, الطرق عندنا فى مصر, ناااااااااااااااااااااادر ا ماتلاقى فيها طريق يستحمل اكتر من 90, عشان تمشى على طريق على 120 و لا الكلام ده لازم تكون متأكد يقينا لا يقبل بأى شك, أن مفيش مطب هتتفاجئ بيه, المطب ده, أنت ممكن ماتعديش عليه الصبح و على ماتيجى راجع آخر النهار, يكون اتعمل, سواقين الميكروباص نفسهم, بيلبسوا مطبات.

أنا كده 20 الف جنيه بالميت

ربنا سترها انا على طول 120-130

اجمالى الغرامات و الرسوم القضائية : 105.00 جنيها

اقتباس:

---

المشاركة الأصلية كتبت بواسطة ahmod

قالي مخالفة عكس اتجاه والباقي رادارات على الدايري !

---

عكس الإتجاه لازم يتمسك متلبس :) , و غرامتها فوري
دي فيها نيابة وحوار
إزاي مع تجديد الرخص !!!!

اقتباس:

---

المشاركة الأصلية كتبت بواسطة lanos2004

احمد انته عملت رعب فى المنتدى هههههههههههه
بوابة الحكومة المصرية - أشخاص

---

حضرتك أنا عربيتي مبتطلعش :)

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

أنا دايما بمشى على 90كم/س وأحط صابعى فى عين التخين, ان شالله يركبوا لى كل عمود نور رادار, الطرق عندنا فى مصر, ناااااااااااااااااااااادر ا ماتلاقى فيها طريق يستحمل اكتر من 90, عشان تمشى على طريق على 120 و لا الكلام ده لازم تكون متأكد يقينا لا يقبل بأى شك, أن مفيش مطب هتتفاجئ بيه, المطب ده, أنت ممكن ماتعديش عليه الصبح و على ماتيجى راجع آخر النهار, يكون اتعمل, سواقين الميكروباص نفسهم, بيلبسوا مطبات.

---

111111111111111111111

كلام زى الفل

اقتباس:

---

المشاركة الأصلية كتبت بواسطة ahmed-adel

عكس الإتجاه لازم يتمسك متلبس :) , و غرامتها فوري
دي فيها نيابة وحوار
إزاي مع تجديد الرخص !!!!

---

لا ياباشا كلامك مش مظبوط
عكس الاتجاه ممكن تتاخد وتتسجل من العسكرى وبعدين تلاقيها فى التجديد
حصلت معايا مرة فى رخصة الموتوسيكل
وحصلت لأخويا فى عربيته

ده نصيب يا جماعة كل واحد بياخد نصيبه :)

لقد وقعنا فى الفخ!!!

دى بينو هيبقا مرار طافح

ربنا هو الى بيستررررر

هاااااااااار اسود :)

ابقوا تعالوا زورونى فى السجن يا جدعان ونبى

او ممكن اديهم العربيه خالص بتمن المخالفات اللى هتبقى عليا

بسم الله الرحمن الرحيم
الاجابة عليا 127000 مخالفات

انا بمشى كل يوم من المعادى لمدينة نصر والعكس ومش بمشى اقل من 120 خاصة وانا راجع باليل ولسة مجدد الرخصة من اسبوعين والمخالفات 0

اظاهر ان الموضوع قلب المنتدى !

معقول اريحلي ساعتين اصحى الاقي كل الردود دي !

عموما يا جماعة الكلام مؤكد والراجل لسه مجدد رخصته من مافيش شهر

وكلمني قالي جالي 6000 جنيه مخالفات منهم مخالفة عكس اتجاه وفيه مخالفة كمان مش فاكر هيا ايه

وقالي الباقي كله رادرات ! سالته رادرات فين على المحور ؟ قالي لاء كلهم على الدايري

عموما انا هعرف منه التفاصيل بالظبط وهقولكم وكمان لو قدرت اجيب صورة من ايصال المخالفات

وبالنسبة للناس اللى جددت ومالقتش عليها مخالفات

انتو عارفين ان الردارات مش دايما بتبقى شغالة يعني موضوع الرادار ده انت ونصيبك

انا كنت ماشي انا وزميلي معاه النترا على الصحراوي واحنا الاتنين ماشيين 180

انا اتمسكت رادار وهو لاء !

استر ياللى بتستر

بعد كدا اللي يروح يجدد يعمل توكيل بيع للمرور وياخد نسخه المفتاح الاحتياطي عشان مايرجعهوش :)

شكرا على التنبيه يا باشا

اقتباس:

---

المشاركة الأصلية كتبت بواسطة eng.geo

طبعا انا معاك اننا نخفف السرعة
بس في حاجة غلط
6000 ازاي !
وش في حاجة غلط
الرادارات متكسرة من أيام الثورة ولو أتصلحت كلها هيبقي قريب
وعشان يعمل 6000 يبقي شغال عالخط !
في غلطة في الكمبيوتر أو في أي حاجة تانية غير انه أتلقط رادارات
انا لسة مجدد وجايب مخالفات وبمشي في الغالب 160 وصحراوي 200
المخالفت صفر !

---

و لا شغال و لا بتاع

المخالفة ب 300 يعني 6000 = 20 مخالفة و الطريق من طريق السويس للاوتوستراد عليه حوالي 6 رادارات يعني مرتين رايح جاي تلم ال 6000

اقتباس:

---

المشاركة الأصلية كتبت بواسطة أحمد كمال

و لا شغال و لا بتاع

المخالفة ب 300 يعني 6000 = 20 مخالفة و الطريق من طريق السويس للاوتوستراد عليه حوالي 6 رادارات يعني مرتين رايح جاي تلم ال 6000

---

هي مرة واحدة بس على الطريق
يعني لو اطلقت في ال 6 هيتحسبوا واحدة بس لو ورا بعض

هوة اساسا لما كان شغال وكنت بتصور والفلاش ينور مجتش ولا مخالفه رادار ثابت هيبقه هتيجى وهوة بايظ

أنا عارف من بدري أن الرادارات شغالة علشان كده سرعتي علي الدائري مابين 90 و 110 كم/ساعة و قبل مكان الرادار بأهدي لسرعة أقل من ال 90 كم/ساعة و لمسافة لاتقل عن 1 كم بعد ما اعدي الرادار
و بالرغم من أني بأشوف عربيات بتكون طايرة و بحاول احذرهم بالنور او الفلاشر ألا أنهم بيستمروا في طيرانهم

ربنا يستر

اقتباس:

---

المشاركة الأصلية كتبت بواسطة elawany13

لا ياباشا كلامك مش مظبوط
عكس الاتجاه ممكن تتاخد وتتسجل من العسكرى وبعدين تلاقيها فى التجديد
حصلت معايا مرة فى رخصة الموتوسيكل
وحصلت لأخويا فى عربيته

---

مبدئيا عكس الإتجاه مخالفة على اللي سايق مش على العربية نفسها
و بتتسجل برخصة السواقة مش برخصة العربية عشان كده لازم تتمسك متلبس ,
عشان يعرف مين اللي سايق :)
يبقى إزاي حضرتك تجيلك في التجديد
دي جناية حضرتك و نيابة و حوااار كبير جدا
حضرتك بيبقوا كاتبينلك في المحضر المتهم كذا كذا
اللي معوش واسطة ممكن بيبيتوه في الحجز
ده فيه سواقين بيجيبوهم القسم متكلبشين
الكلام ده من سنة ,و ماتهياليش القانون اتغير
ممكن حضرتك تسأل محامي في الكلام ده

بنسبة للموتسكل , كله واحد لازم تتمسك في ساعتها مفيش حاجة اسمها عكس اتجاه في التجديد

اقتباس:

---

المشاركة الأصلية كتبت بواسطة se_coralsea

أنا عارف من بدري أن الرادارات شغالة علشان كده سرعتي علي الدائري مابين 90 و 110 كم/ساعة و قبل مكان الرادار بأهدي لسرعة أقل من ال 90 كم/ساعة و لمسافة لاتقل عن 1 كم بعد ما اعدي الرادار
و بالرغم من أني بأشوف عربيات بتكون طايرة و بحاول احذرهم بالنور او الفلاشر ألا أنهم بيستمروا في طيرانهم

---

سؤال حضرتك عرفت منين انه شغال لما كان شغال كان فيه نور احمر صغير بينور بليل الان لا يوجد ثانيا كان الفلاش بينور الطريق كله الان لايوجد --انا مدمن رادار وكل اما اسافر بالنهار ادفع 150 جنيه --ما فيش ولا مخالفه رادار جات ليا على مدى تجديد اربع سنوات ---الرادار الى شغال فعلا بتاع الصحراوى ودة اما كنه معروفه

يا جماعة انا سألت واحد صحبى ظابط على ردارات الدائرى قالى مش شغالين
انتوا مش متخيلين انى مكنتش عارف انام بليل و عمال احسب هجمع المخالفات ديه منين
انا شايف ان الموضوع ده لازم يتقفل عشان كل ما اشوفه قلبى بيوجعنى

سترك ياااااااااااااااااااااااا اااارب